Patay ang 19 katao habang 21 naman ang sugatan matapos mahulog ang kanilang sinasakyang bus sa bangin sa Sablayan, Occidental Mindoro Martes ng gabi.
Batay sa inisyal na imbestigasyon ng pulisya, nawalan umano ng kontrol ang drayber ng Dimple Star Transport bus habang binabagtas ang national highway ng Barangay San Agustin pasado alas-9 ng gabi.
Kuwento naman ng ilang nakaligtas na pasahero, nawalan umano ng preno ang bus habang patawid sa Patrick bridge kaya nahulog ito sa bangin.
Kabilang sa mga namatay ang drayber at kaniyang konduktor.
0 Mga Komento