Ang DSWD i-Registro ay isang official digital portal mula sa Department of Social Welfare and Development (DSWD). Gamit ito, ang mga active 4Ps (Pantawid Pamilyang Pilipino Program) household beneficiaries ay pwedeng mag-update ng kanilang family profile—lalo na kung may buntis na miyembro o sanggol na 0 hanggang 24 months old.

Ang pag-update ng records dito ay mahalaga para masigurong makatanggap ang pamilya ng karagdagang tulong mula sa First 1,000 Days (F1KD) conditional cash grant.

RELATED: Walang Gutom Guide to the Philippines’ Food Stamp Program

Mga Kwalipikasyon (Eligibility Requirements)

Bago mag-update online, siguraduhing kwalipikado ang inyong pamilya sa mga sumusunod:

Active 4Ps Beneficiary: Dapat ay kasalukuyang active household beneficiary sa 4Ps database.
Edad: Ang mag-a-access at mag-a-update online ay dapat 18 years old pataas.
Valid Identification: May hawak na valid National ID (PhilID) o ePhilID.
Kondisyon ng Pamilya: Ang pamilya ay mayroong:

Buntis na miyembro, AT/O
Anak o sanggol na may edad 0 hanggang 24 months old.

Step-by-Step Profile Update Process

Step 1: Pumunta sa i-Registro Portal

Buksan ang browser sa iyong phone, tablet, o computer na may internet connection.

Bisitahin ang official portal: https://iregistro-4ps.dswd.gov.ph.

Step 2: I-verify ang Iyong Identidad

Ihanda ang iyong National ID o ePhilID.

I-type ang iyong PhilID / ePhilID number sa verification field.

Sundin ang on-screen instructions para ma-verify na ikaw ay active 4Ps member na 18 years old pataas.

Step 3: Ilagay ang Details ng Miyembro

Pagkapasok sa portal, piliin kung anong update ang isusumite:

Buntis na Miyembro, o
Anak na 0–24 Months Old.

I-fill out ang mga kinakailangang impormasyon:

Buong Pangalan (First Name, Middle Name, Last Name)
Araw ng Kapanganakan (Date of Birth)
Expected Delivery Date (para sa buntis) o Exact Birth Date (para sa sanggol)
Nakatalagang Barangay / Health Center

Step 4: I-submit at I-save ang Confirmation

I-double check ang lahat ng inilagay na detalye kung tama at kumpleto.

I-click ang Submit.

Mag-take ng screenshot o i-save ang reference number na lalabas sa screen bilang patunay.

REGISTER HERE!

Mahahalagang Paalala at Anti-Scam Warning

LIBRE ANG PROSESO: Walang anumang bayad ang pag-update sa DSWD portal. Huwag magpapaloko sa mga taong nag-aalok ng tulong kapalit ng pera para makapasok sa grant.

Official Verification: Ang mga isinubmit online ay isasailalim pa rin sa beripikasyon ng DSWD at ng inyong lokal na health center.

REGISTER HERE!

Kailangan ng Tulong? Kung walang internet connection, walang ePhilID/National ID, o nakakaranas ng technical issue, lumapit sa inyong City/Municipal Link (C/ML) o sa pinakamalapit na DSWD Field Office para sa tulong.